Oblysty 9 jyl basqarǵan Danıal Ahmetov qyzmetinen bosady.
Memleket basshysynyń Jarlyǵymen Ermek Bedelbaıuly Kósherbaev Shyǵys Qazaqstan oblysynyń ákimi bolyp taǵaıyndaldy, dep habarlaıdy Almaty-akshamy.kz Aqordaǵa silteme jasap.
Ol Qazaqstan Respýblıkasynyń Reseı Federasıasyndaǵy Tótenshe jáne Ókiletti Elshisi laýazymynan bosatyldy.
Ermek Bedelbaıuly Kósherbaev 1965 jyly Almaty qalasynda týǵan. S.M.Kırov atyndaǵy Qazaq memlekettik ýnıversıtetin, KSRO Syrtqy ister mınıstrliginiń Dıplomatıalyq akademıasyn bitirgen.
Eńbek jolyn: 1988 jyly Qazaq KSR Syrtqy ister mınıstrliginde aǵa ınspektor bolyp bastaǵan. 1989-1994 jyldar aralyǵynda atalǵan mınıstrlikte ártúrli laýazymdarda eńbek etken.
1994–1996 jyldary Qazaqstan Respýblıkasy Prezıdenti Apparatynyń Halyqaralyq bóliminiń konsýltanty, Prezıdenttiń Protokoldyq qyzmetiniń basshysy bolǵan.
1996–1997 jyldary Qazaqstan Respýblıkasynyń Shveısarıa Konfederasıasyndaǵy Elshiliginiń birinshi hatshysy, Syrtyq ister mınıstrligi Kópjaqty yntymaqtastyq departamentiniń bólim bastyǵy laýazymdaryn atqarǵan.
1997–1999 jyldary Qazaqstan Respýblıkasy Premer-Mınıstriniń kómekshisi bolǵan.
2000–2010 jyldary komersıalyq qurylymdarda basshylyq qyzmetterde jumys istegen.
2010–2014 jyldary Shyǵys Qazaqstan oblysy ákiminiń orynbasary, birinshi orynbasary bolǵan.
2014-2018 jyldary Aýyl sharýashylyǵy mınıstriniń orynbasary, Aýyl sharýashylyǵy mınıstrliginiń jaýapty hatshysy laýazymdarynda qyzmet etken.
2018–2020 jyldar aralyǵynda Syrtqy ister mınıstrliginiń jaýapty hatshysy, Syrtqy ister mınıstriniń orynbasary laýazymdaryn atqarǵan.
2020 jylǵy qańtardan bastap Qazaqstan Respýblıkasynyń Reseı Federasıasyndaǵy Tótenshe jáne Ókiletti Elshisi.
«Eren eńbegi úshin» medalimen, «Qurmet» ordenimen marapattalǵan. Tótenshe jáne Ókiletti Elshi dıplomatıalyq dárejesi bar.