Vılnústegi NATO samıti qarsańynda Shvesıa men Túrkıa kóshbasshylary Brússelde kezdesý ótkizedi.
Bul týraly áskerı bloktyń Bas hatshysy Iens Stoltenberg málimdedi, dep habarlaıdy Almaty-akshamy.kz.
Kelissózdiń maqsaty – Shvesıanyń NATO-ǵa kirýi máselesin talqylaý, dep atap ótti Soltústik Atlantıkalyq aláns basshysy. Eske salaıyq, Túrkıa men Vengrıa Shvesıanyń NATO-ǵa qosylýyna qoldaý tanytpaı otyr, -dep jazdy 24.kz.
Al, Fınlándıa alánsqa 4 sáýirde resmı túrde qosyldy. Iens Stoltenberg, NATO bas hatshysy: - Fınlándıa men Shvesıanyń NATO-ǵa kirýi Baltyq elderiniń qaýipsizdigin odan ári nyǵaıtady. Vılnús samıtiniń aldynda Brússelde joǵary deńgeıdegi kezdesýdi ótkizemiz. Oǵan syrtqy ister mınıstrleri, barlaý basshylary jáne eki eldiń ulttyq qaýipsizdik jónindegi keńesshileri qatysady.