Ankaradaǵy konsýltasıalar jabyq esik jaǵdaıynda ótti
Túrkıa prezıdentiniń bas keńesshisi Ibragım Kalyn Ankara, Stokgolm jáne Helsınkı arasyndaǵy Shvesıa men Fınlándıanyń NATO-ǵa músheligine qatysty kelissózderdiń qorytyndylary boıynsha málimdeme jasady, dep habarlaıdy Almaty-akshamy.kz Zakon.kz-ke silteme jasap.
Sondaı-aq ol Fınlándıa men Shvesıanyń NATO-ǵa kirý prosesi Túrkıanyń talaptary oryndalmaıynsha iske qosylmaıtynyn aıtty, dep habarlaıdy RIA Novostı.
Sheneýniktiń aıtýynsha, alánsqa múshelikke úmitkerler Ankaranyń ustanymyna túsinistikpen qarady. Túrkıa olardyń ókilderin elde tyıym salynǵan Kúrdistan jumysshy partıasy men onyń qyzmeti týraly habardar ete otyryp, óz elderinen terorızmge kúdiktilerdi ekstradısıalaýdy, sondaı-aq túrik terıtorıasyna qorǵanys ónerkásibi ónimderi tasymalyna baılanysty shekteýlerdi alyp tastaýdy talap etti.
Ankaradaǵy konsýltasıalar jabyq esik jaǵdaıynda ótti jáne shamamen ol bes saǵatqa sozyldy.
Aıta ketsek, buǵan deıin Túrkıa prezıdenti Rejep Taıyp Erdoǵan Fınlándıa men Shvesıa Túrkıada tyıym salynǵan Kúrdistan jumysshy partıasyna qoldaý kórsetip jatqanyn aıtqan bolatyn. Ankara Fınlándıa men Shvesıadan terorızmdi qoldaýdy doǵarý jóninde jazbasha kelisimge otyrýdy talap etti.