«Halyq qatysatyn búdjet» baǵdarlamasy boıynsha Almatynyń Naýryzbaı aýdanynda jańa jaıaý júrginshiler aımaǵy salynady
Shuǵyla shaǵyn aýdan turǵyndarynyń ótinishteri boıynsha balalar jáne sport alańdary bar uzyndyǵy 350 m jaıaý júrginshiler aımaǵy jabdyqtalatyn bolady. Bul týraly Almaty ákimi Erbolat Dosaev Naýryzbaı aýdanynyń turǵyndarymen kezdesý barysynda málimdedi, dep habarlaıdy almaty-akshamy.kz
Jumystar osy jyldyń qarasha aıynyń sońyna deıin aıaqtalady. Jańa demalys aımaǵy Shuǵyla shaǵyn aýdan turǵyndaryn qamtamasyz etedi ári demalýǵa jáne jaıly serýendeýge qolaıly jaǵdaı jasaıdy.
«Halyqqa qatysatyn búdjet» aıasynda Naýryzbaı aýdanynda jalpy somasy 2,5 mlrd teńgege 40 joba iske asyrylatyn bolady. Bul qoǵamdyq keńistikterdi, trotýarlardy jaılastyrý, jaryqtandyrý jelilerin qalpyna keltirý, avtomattandyrylǵan sýarý júıesi, kógaldandyrý jobalary. Sonymen qatar, osy jyldyń qarasha aıyna deıin 16 aýla aýmaǵy jóndeledi. Osy maqsattarǵa qosymsha 380 mln teńge bólindi.
Jalpy Almatyda aǵymdaǵy jyly «HQB» jobasyna 18,8 mlrd teńge bólindi, bul ótken jylmen salystyrǵanda 5,8 mlrd teńgege artyq. Qala turǵyndary aýlalardy, qoǵamdyq keńistikterdi abattandyrý, sport jáne oıyn alańdaryn qurý boıynsha 364 jobany usynýǵa jáne iske asyrýǵa múmkindik alady.