Almatynyń Naýryzbaı aýdanynda 10 jylda alǵash ret deneshynyqtyrý-saýyqtyrý kesheni salynady
Almatynyń Naýryzbaı aýdanynda alǵashqy deneshynyqtyrý-saýyqtyrý kesheni salynady. Bul týraly Almaty ákimi Erbolat Dosaev Naýryzbaı aýdanynyń turǵyndarymen kezdesýde málimdedi. 2014 jyly aýdan qurylǵannan beri bul osyndaı alǵashqy sport nysany bolady, dep habarlaıdy almaty-akshamy.kz
DSK qurylysynyń bastalýy konkýrstyq rásimder aıaqtalǵannan keıin 2025 jyldyń I toqsanyna josparlanǵan. Onda baseın, ártúrli sport túrleri boıynsha sport seksıalaryna arnalǵan zaldar: oıyn túrleri, jekpe-jek, boks, kúres qarastyrylady.
Keshen kúnine keminde 500 adamdy qabyldaıdy. Bul rette sport kesheni erekshe qajettilikteri bar adamdarǵa beıimdeledi.
Sonymen qatar, Aqjar sh/a-da DSK salý josparlanýda. Osy jyldyń sońyna deıin rezervtik magıstraldyq sýmen jabdyqtaý jáne káriz jelileri salynady. Al, 2025 jyldyń I toqsanynda obektiniń jobalaý-smetalyq qujattamasyn ázirleý bastalady.