Jambyldyq polıseıler Shý aýdanynda 280 kelige jýyq esirtki zatyn tárkiledi
Jambyldyq polıseıler Shý aýdany Belbasar aýylynyń mańyndaǵy qumdy aımaqta ornalasqan “Sarǵaý” ýchaskesinde asa iri mólsherde esirtki zatyn saqtady degen kúdikpen 42 jastaǵy jergilikti turǵyndy ustady, – dep habarlaıdy almaty-akshamy.kz.
Esirtkiniń zańsyz aınalymy arnasynyń jolyn kesý boıynsha arnaıy operasıa oblystyń polısıa departamenti esirtki qylmysyna qarsy is-qımyl basqarmasynyń qyzmetkerlerimen ótkizildi. Birqatar izdestirý is-sharalary ótkizilip, nátıjesinde kúdikti ustalǵan ýchaskeden jalpy salmaǵy 237 keli 234 gram esirtki, qarasora butalary tabylyp, tárkilendi.
Turǵylyqty jeri boıynsha saraıdan jalpy salmaǵy 12 keli 640 gram keptirilgen marıhýana salynǵan polıpropılen qapshyq jáne jalpy salmaǵy 24 keli 586 gram gashısh esirtki zaty tabyldy.