Almatyǵa esirtki tasyǵan kúdiktiler ýaqytsha ustaý ızolátoryna qamaldy.
Almaty qalasy men Almaty oblysynda polıseıler esirtki satýmen aınalysqan 12 adamdy ustady, dep habarlaıdy Almaty-akshamy.kz
Polısıa qyzmetkerleri keshendi jedel-tergeý is-sharalarynyń nátıjesinde Jambyl oblysy Shý aýdanynan Almatyǵa esirtki jetkizý arnasyn jolǵa qoıǵan turaqty qylmystyq topqa tosqaýyl qoıdy.
Jedel-tergeý toptary arnaıy maqsattaǵy bólinis jaýyngerlerimen birlesip, quryqtaý operasıasyn bir ýaqytta Almaty qalasy men Almaty oblysynda iske asyrdy.
Uıymdastyrýshy jáne marıhýana men gashıshti zańsyz ótkizýge qatysy bar 11 adam anyqtaldy. Olardyń qatarynda satýshy men satyp alýshylar, tasymaldaýshylar, úı-jaılardy jalǵa alýshylar men ólshep oraýshylar bar.
"Tintý barysynda selofan paketterge salynǵan 40 kg marıhýana men 15 kg gashısh jáne kúdiktilerdiń qylmystyq bızneske qatysy bar ekenin rastaıtyn uıaly telefondar tabylyp, tárkilendi. Kúdiktiler ustalyp, ýaqytsha ustaý ızolátoryna qamaldy. Tıisti saraptamalar taǵaıyndalyp, tergeý amaldary jalǵasýda. Ózge aqparat tergeý múddesinde jarıalanýǵa jatpaıdy", dedi departament bastyǵy – İİM resmı ókili Shyńǵys Alekeshev.