Tergeýshi qyzmettik ókilettigin asyra paıdalanǵan.
Shyǵys Qazaqstan oblystyq Ekonomıkalyq tergeý departamentiniń qyzmetkeri aıyptalýshylardan tárkilengen kólikti ıemdengeni jáne 13 mln teńgeni óz qajetine jumsaǵany úshin sottaldy, dep habarlaıdy Almaty-akshamy.kz.
Óskemen qalalyq №2 soty baspasóz qyzmetiniń málimetine súıensek, SHQO Ekonomıkalyq tergeý departamentiniń erekshe mańyzdy ister boıynsha tergeýshisine qatysty qylmystyq is qaraldy.
Belgili bolǵandaı, ol qyzmettik ókilettigin asyra paıdalanyp, 2022 jyly aıyptalýshylardan tárkilengen «Skoda» markaly avtokólikti ıemdenip, 13 mıllıon teńgeden astam aqshany óz qajettiligine jumsaǵan. Sot barysynda sottalýshy óz kinásin moıyndady. Jazany aýyrlatatyn ózge mán-jaılar anyqtalǵan joq.
«Sot sheshimimen tergeýshi kináli dep tanylyp, 3,5 jylǵa bas bostandyǵy shekteldi. Sondaı-aq aıyptalýshy ómir boıyna memlekettik qyzmette laýazym atqarý quqyǵynan aıyrylyp, «Ekonomıkalyq tergeý qyzmetiniń kapıtany» arnaıy ataǵynan bosatyldy», - delingen aqparatta.
Úkim zańdy kúshine engen joq.