2025 jylǵy 31 jeltoqsanda Rıdder qalasynyń polısıa bólimine oqý ornynan keıin úıine uzaq ýaqyt boıy oralmaǵan kámeletke tolmaǵan jasóspirimniń joǵalǵany týraly habarlama kelip tústi.
Atalǵan derek boıynsha Shyǵys Qazaqstan oblysynyń polısıa qyzmetkerleri jedel túrde izdestirý jumystaryn bastady. İzdestirý jumystary eki táýlikten astam ýaqytqa sozyldy. Quqyq qorǵaý organdary qyzmetkerleriniń úılesimdi ári kásibı is-qımyly, sondaı-aq azamattardyń kórsetken kómeginiń arqasynda jasóspirimniń júrgen jeri anyqtaldy.
Ol aman-esen tabylyp, úıine jetkizildi. Ýchaskelik polısıa ınspektorlarynyń qatysýymen jasóspirimmen jáne onyń ata-anasymen profılaktıkalyq áńgime júrgizilip, qaýipsizdik erejeleri men osyndaı jaǵdaılardyń aldyn alý sharalary túsindirildi.
Tártip saqshylary izdestirý jumystaryna belsene qatysqan barlyq azamattarǵa alǵys bildire otyryp, ata-analardy balalardyń qaýipsizdigine erekshe kóńil bólýge, olarmen turaqty baılanysta bolýǵa jáne kúmándi jaǵdaılar týyndaǵan kezde 102 nómiri arqyly polısıaǵa jedel habarlasýǵa shaqyrady.