Qazaqstan Respublıkasynyń azamattyq qorǵau memlekettík júıesíníń bíryńǵaı vedomstvoaralyq radıo jelísínde jūmys bastaldy, - dep habarlaıdy Aqshamnews.kz.
Sońǵy uaqytqa deıín Qazaqstan Respublıkasynda aumaqtyń edáuír ūzaqtylyǵyna baılanysty árbír óńírde UQT-radıobaılanys júıesí derbes qalyptasty. Tehnıkalyq sheshímderdíń bytyrańqylyǵy, bíryńǵaı standarttyń bolmauy jáne óńíraralyq ózara ís-qımyldyń shekteulí múmkíndíkterí, ásírese tótenshe jaǵdaılarda bólímshelerdí basqaru tıímdílígín aıtarlyqtaı tómendettí.
Baılanystyń ornyqtylyǵyna, senímdílígíne jáne jedeldígíne qoıylatyn ósíp kele jatqan talaptar respublıkalyq deńgeıdegí bíryńǵaı ortalyqtandyrylǵan UQT-radıobaılanys júıesín qūruǵa negíz boldy.
Osy míndettí íske asyru úshín Tótenshe jaǵdaılar mınıstrlígí, Ūlttyq Ūlan jáne Qazaqstan Respublıkasy Íshkí íster mınıstrlígí ókílderíníń qatysuymen vedomstvoaralyq jūmys toby qūryldy.
Jūmys tobynyń qyzmetí sheńberínde vedomstvoaralyq radıojelíní qūru qaǵıdattaryn, radıoqamtudyń basym aımaqtaryn aıqyndaudy, ınfraqūrylym obektílerín ornalastyrudy, sondaı-aq basqaru tıímdílígín jáne kúshter men qūraldardyń ózara ís-qımylyn arttyru maqsatynda jobany íske asyrudyń kezeńdílígín qosa alǵanda, ony ūıymdastyru máselelerí egjeı-tegjeılí qarastyryldy jáne pysyqtaldy.
Qabyldanǵan sheshímderdíń qorytyndysy boıynsha negízgí eldí mekender men negízgí kólík baǵyttaryn qosa alǵanda, Qazaqstan Respublıkasy aumaǵynyń negízgí bólígínde radıoqamtudy basym qamtamasyz ete otyryp, jelíní kezeń kezeńmen órístetu kózdelgen. Jyl boıy bazalyq stantsıyalardy ornatu boıynsha montajdau jūmystary júrgízíldí.
Qoıylǵan míndettí íske asyru elímízdíń barlyq óńírlerín bíryńǵaı radıo jelísíne bíríktíruge múmkíndík berdí jáne ony odan árí keńeıtu úshín, onyń íshínde shalǵaıdaǵy audan ortalyqtary men jetuge joly qıyn aumaqtardy qamtu esebínen jaǵdaı jasady.
Júıení odan árí damytu sheńberínde 2026 jyly oblys ortalyqtarynda, respublıkalyq mańyzy bar qalalarda jáne Astanada tūraqty radıosıgnaldy qamtamasyz etu úshín qosymsha bazalyq stantsıyalardy satyp alu kózdelgen.
SmartOne dıspetcherlík platformasyn qoldana otyryp, audandyq bólímshelerdíń tsıfrlyq retranslyatorlaryn írí auyldyq eldí mekenderde, shalǵaıdaǵy obektílerde, avtojoldarda jáne orman alqaptarynda radıobaılanysty qamtamasyz etu úshín keıínnen ony ūlǵaıta otyryp, trankıngtík jelíge bíríktíru josparlanuda.
Damudyń kelesí mańyzdy kezeńí trankıngtík jelíler, 3G/4G/LTE keń jolaqty qoljetímdílík jelílerí jáne Internet jelílerí korrespondentteríníń jūmysyn bíryńǵaı kommunıkatsıyalyq keńístíkte bíríktíruge múmkíndík beretín HyTalk kommutatsıyalyq jabdyǵyn paıdalana otyryp baılanysty ūıymdastyru bolady.
Aıta ketu kerek, Qazaqstan Respublıkasy TMD keńístígínde būndaı auqymdaǵy jáne aumaqtyq qamtudaǵy radıo jelísín íske asyrǵan alǵashqy el bolyp tabylady.