25 jeltoqsan kúni Atyraý qalasynyń turǵyny aǵa-jeńgesi men olardyń balalarynyń bir aıdan astam ýaqyttan beri habar-osharsyz ketkenin aıtyp, aryz túsirgen, - dep habarlaıdy Aqshamnews.kz.
Qyzylqoǵa aýdanyna qarasty Jangeldi aýylynyń turǵyndary qarasha aıynda úılerinen belgisiz baǵytta shyǵyp ketip, sodan beri oralmaǵan.
— Polısıa qyzmetkerleri olardyń júrgen jerin anyqtaý úshin barlyq qajetti sharalardy qabyldap jatyr. Basqa óńirlerdiń polısıa bólimshelerine de baǵdarlama jiberildi. Qolda bar málimetterge sáıkes, erli-zaıyptylar jáne olardyń 33 jáne 35 jastaǵy eki eresek balasy eldiń ońtústik óńirlerine baǵyt alýy múmkin, — dep habarlady Atyraý oblysy polısıa departamenti.
Atalǵan adamdardyń júrgen jeri týraly qandaı da bir aqparat biletin azamattardan quqyq qorǵaý organdaryna 98-20-78, 98-20-88 nómirleri arqyly habarlasý suralady.