Baıqaýdyń basty talabynyń biri – qazaqtyń umyt bola bastaǵan ulttyq taǵamdaryn ázirleý
Uıymdastyrýshylardyń aıtýynsha, oblystyq Dostyq úıiniń 30 jyldyǵyna oraı uıymdastyrylǵan baıqaý jyldaǵydan ózgeshe, dep habarlaıdy Almaty-akshamy.kz «Habar 24» telearnasyna silteme jasap.
«Búgin dástúrli «Aıaýly jas kelin» baıqaýyn oblysymyzdy 9-ret ótkizip jatyrmyz. Búgingi konkýrstyń ereksheligi, ár ult ult ókilderiniń kelinderi qatysyp jatyr. Orys, ýkraın, sheshen ultynyń ókilderi qatysyp jatyr»,-deıdi qazylar alqasynyń tóraıymy Araılym Esimbekova.
Óskemen qalasynan baǵyn synaýǵa kelgen Anjelıka Shabdanbaevanyń ákesi orys, anasy ýkraın. Ózi qazaq jigitine turmysqa shyqqan. Internasıonaldy otbasynda tárbıelengen ol qazaqtyń ulttyq taǵamdaryn ázirlegendi jaqsy kóredi.
«Bul baıqaýǵa qazaqtyń taǵamdaryn daıyndadym. Ol qýyrdaq. Bul jerdegi qara qýyrdaq. Qýyrdaqtyń túr-túri bolady. Biraq men qara qýyrdaqty tańdadym. Sebebi, bul jerge ish maı kiredi. Odan keıin baýyr, ókpe, et kiredi. Qazaqtyń taǵamynan myna jerde sary maı, baýyrsaq. Ózimizdiń shı baýyrsaǵymyz. Qymyzsyz eshbir toı ótpeıdi dep oılaımyn. Jáne jeti shelpek. Bizdiń otbasymyzda ár juma shelpeksiz ótpeıdi»,-deıdi baıqaýǵa qatysýshy Anjelıka Shabdanbekova.
Baıqaýdyń basty talabynyń biri – qazaqtyń umyt bola bastaǵan ulttyq taǵamdaryn ázirleý. Rıdder qalasynan kelgen Ardaq Maltaeva qazylar nazaryna úlpershekti usyndy.
«Úlpershek taǵamy maldyń júreginen jasalady. Ol ıaǵnı turmysqa shyqqan qyzdyń ata-anasy biz seni saǵyndyq, sen bizdiń júregimizdesiń dep saǵynyshtaryn jibergen bolatyn»,-dedi baıqaýǵa qatysýshy Ardaq Maltaeva.