Oqıǵadan eshkim zardap shekpedi
8 sáýirde 10:35 mınýtta Shyǵys Qazaqstan oblysynyń Altaı-Qúmistaý temirjol ýchaskesinde júk poıyzynyń 5 vagony relsten shyǵyp ketti. Vagondar sement tasymaldaǵan. Bul týraly "Qazaqstan temir joly" UK" AQ baspasóz qyzmeti málimdedi, dep habarlaıdy Almaty-akshamy.kz.
«Bir vagon "KýzbassTransement" JSHQ (Reseı Federasıasy) menshigi bolsa, qalǵany "Kaspıı Sement" JSHS-ge (Qazaqstan Respýblıkasy) tıesili. Quram 28 km/saǵ baıaý jyldamdyqpen júrgen», - delingen habarlamada.
Oqıǵadan eshkim zardap shekpedi. Jolaýshylar jáne júk poıyzdarynyń kidirisi oryn alǵan joq. Qazirgi ýaqytta qalpyna keltirý jumystary júrgizilýde. Vagondardyń relsten shyǵý sebepteri anyqtalýda.