Jana Business baǵdarlamasy
Almaty qalasy ákimdigi men «Damý» kásipkerlikti damytý qory birlesip, Almaty Business óńirlik baǵdarlamasyna birqatar ózgerister engizip, shaǵyn jáne orta bıznes (SHOB) sýbektilerine jeńildikpen nesıe berý sharttaryn jetildirdi, dep habarlaıdy Almaty-akshamy.kz.
Ataýy Jana Business dep ózgertilgen baǵdarlamanyń qatysýshylary Almaty qalasynda tirkelgen jáne eńbek etetin shaǵyn jáne orta kásipkerlik sýbektileri bola alady.
Jańartylǵan baǵdarlamanyń sharttaryna sáıkes jeńildetilgen nesıeler boıynsha eń joǵary mólsherleme 7% - dan 6% - ǵa deıin tómendetildi. Nesıeniń maksımaldy somasy 100 mln teńgeni quraıdy, nesıeleý merzimi - 7 jylǵa deıin.
Jana Business baǵdarlamasynyń taǵy bir jańalyǵy – ónerkásiptik parkter sýbektilerine jyldyq mólsherlemesi 6%-ben 500 mln teńgege deıingi somada 7 jylǵa deıingi merzimge nesıe alý múmkindigi qarastyryldy.
Saýda operasıalarynyń tıimdiligin arttyrý maqsatynda Jana Business baǵdarlamasynda faktorıńtik mámilelerdi jyldyq 8,5% mólsherleme boıynsha qarjylandyrý múmkindigi kózdeledi.
Faktorıń mehanızmi satyp alýshyǵa tólemdi keıinge qaldyra otyryp, taýardy nemese qyzmetti satyp alýǵa múmkindik beredi. Osyndaı mámile sheńberinde faktorıńke mamandandyrylǵan qarjy ınstıtýty (faktor) belgili bir komısıa úshin ónim berýshige taýardyń nemese qyzmettiń qunyn tóleıdi jáne onyń ornyna satyp alýshydan debıtorlyq bereshekti shartta kórsetilgen ýaqyt arqyly alý quqyǵyna ıe bolady. Faktorıń tetigin paıdalaný kásipkerlerge taýar aınalymynyń merzimin arttyrýǵa jáne kasalyq alshaqtyqty boldyrmaýǵa múmkindik beredi.
SHOB sýbektilerine jeńildikpen nesıe berý ekinshi deńgeıdegi bankter, mıkroqarjy uıymdary jáne lızıńtik kompanıalar arqyly júzege asyrylady. Kepildikti qamtamasyz etý jetkiliksiz bolǵan jaǵdaıda kásipkerler «Damý» Qorynyń kepildikterin paıdalana alady.
ALMATY Business óńirlik baǵdarlamasy 2019 jyldan bastap júzege asyrylyp keledi. Ony júzege asyrý barysynda Almaty qalasy boıynsha 27,3 mlrd. teńgege 211 joba qarjylandyryldy, 1 340 jumys orny quryldy, 26,6 mlrd. teńge salyq túsimderi qamtamasyz etildi. Taldaý nátıjesi kórsetkendeı, jobalardyń 53% - dan astamy negizgi quraldardy, jabdyqtardy, shıkizat pen materıaldardy satyp alý maqsatynda qarjylandyrylady.