Qazaqstannyń ońtústiginde +40+46°S-qa deıin óte qatty ystyq bolady, dep habarlaıdy aqshamnews.kz
Meteorologtardyń málimetinshe, shildede Qazaqstannyń basym bóliginde aýa raıy turaqsyz bolady, jaýyn-shashyn, jekelegen kúnderi nóser jaýyn, naızaǵaı, burshaq jáne daýyl kútiledi.
Respýblıkanyń ońtústik jartysynda qatty ystyq jáne óte qatty ystyq bolady, shańdy daýyl turýy yqtımal.
Birinshi onkúndiktiń birinshi jartysynda turaqty sıklonnyń áserinen eldiń batysynda (Batys Qazaqstan oblysy) temperatýralyq fon kúndiz +18+26°S aralyǵynda saqtalady, onkúndiktiń sońyna qaraı +28+33°S-qa deıin joǵarylaıdy.
Atyraý jáne Mańǵystaý oblystarynda aýa temperatýrasynyń kúndiz +25+33°S-tan +30+38°S-qa deıin birtindep joǵarylýy boljanady.
Soltústik jáne ortalyq óńirlerde onkúndiktiń basynda aýa temperatýrasy kúndiz +25+35°S-qa deıin joǵarylaıdy, keıin +18+23°S-qa deıin tómendeıdi, Qazaqstannyń shyǵysynda eń ystyq kezeń onkúndiktiń ortasynda boljanady, aýa temperatýrasy kúndiz +30+38°S-qa deıin joǵarylaıdy.
1-5 shilde aralyǵynda Qazaqstannyń ońtústiginde, ońtústik-shyǵysynda túnde +15+22°S-tan +25+30°S-qa deıin, kúndiz +30+39°S-tan +40+46°S-qa deıin óte qatty ystyq kútiledi. Temperatýranyń joǵarylaýyna baılanysty bul aımaqtarda tótenshe órt qaýpi saqtalady.
Shildeniń ekinshi jáne úshinshi onkúndiginde eldiń batysynda, ońtústiginde, ońtústik-shyǵysynda, ortalyǵynda eń ystyq kúnderde aýa temperatýrasy +33+42°S-qa deıin, Qazaqstannyń qıyr ońtústiginde +46°S-qa deıin joǵarylaıdy, salqyn kúnderi +23+28°S-qa deıin tómendeıdi.
Eldiń soltústik jartysy men shyǵysynda aýa temperatýrasynyń túnde +15+23°S-tan +7+12°S-qa deıin, kúndiz +32+39°S-tan +18+23°S-qa deıin aýytqýy kútiledi.