Qoldanbany mobıldik App Store jáne GooglePlay platformasynan júktep alýǵa bolady.
Ádilet mınıstrligi Respýblıkalyq JSO palatasymen birlesip Atqarýshylyq is júrgizý organdarynyń avtomattandyrylǵan aqparattyq júıesi mobıldi qosymshasyn ázirledi, dep habarlaıdy Almaty-akshamy.kz
AİJO AAJ el azamattaryna atqarýshylyq is júrgizý salasyndaǵy senimdi aqparatqa yńǵaıly ári qoljetimdi. Joba memlekettik organdardyń júıelerimen biriktirilgen.
Paıdalanýshylar úshin mynadaı qyzmetter qoljetimdi:
Biryńǵaı tiziliminen boryshkerler týraly aqparatty izdeý jáne qaryzdaryn tóleý.
Elden shyǵýǵa ýaqytsha tıym salý men shekteýlerin tekserý.
Onlaın rejıminde 30 mınýt ishinde qaryzdy tolyq ótegen kezde shekteý sharalary joıylady (elden shyǵýǵa, tirkeý áreketterine tyıym salý, notarıattyq is-áreketter, memlekettik satyp alýǵa qatysý jáne t.b)
Atqarý qujatyn izdestirý, onyń jaǵdaıy men ornalasqan jerin qadaǵalaý.
QR kodyn skanerleý arqyly mobıldi qurylǵyda sot oryndaýshysynyń sheshimin alý.
"Atalǵan mobıldi qosymsha azamattardyń atqarýshy organdarmen ózara is-qımylyn aıtarlyqtaı jeńildetip, naqty jáne ózekti aqparatqa qoljetimdilikti qamtamasyz etedi. Memleket basshysy Qazaqstan halqyna joldaýynda Qazaqstandy IT-elge aınaldyrý mindetin qoıǵan edi. Osy tapsyrmany oryndaý maqsatynda Digital Justice jobasynyń portfeliniń sheńberinde AİJO AAJ mobıldi qosymshasy ázirlendi jáne oǵan eshqandaı búdjet qarajaty jumsalǵan joq", dedi Ádilet mınıstrligindegiler.