Qazaqstan Táýelsizdigi kúnine oraı Almaty halyqaralyq áýejaıynda jolaýshylarǵa arnalǵan aksıa uıymdastyrylady
Qazaqstan Respýblıkasynyń táýelsizdigi, eldiń bostandyǵy, birligi jáne órkendeýiniń sımvoly bolyp tabylatyn basty ulttyq mereke – Táýelsizdik kúnine oraı Almaty qalasynyń Týrızm basqarmasy UQK Shekara qyzmetiniń Shekaralyq baqylaý basqarmasy jáne Almaty halyqaralyq áýejaıymen birlesip «Syılyqqa tátti kádesyı» atty erekshe aksıa uıymdastyrady. İs-sharanyń maqsaty – jolaýshylarǵa merekelik kóńil-kúı syılap, almatylyqtardyń qonaqjaılyq dástúrine degen tereń qurmetin kórsetý, dep habarlaıdy aqshamnews.kz
Pasporttyq baqylaýdan ótý kezinde jolaýshylarǵa dástúrli qazaqstandyq shokolad pen pechene túrinde tátti syılyqtar tabystalady. Bul aksıa 50-den astam halyqaralyq reıspen kelgen 5 myńnan astam jolaýshyny qamtyp, Almatyǵa kelgen alǵashqy mınýttardan-aq jyly shyraı men dostyq atmosferasyn syılamaq.
Bul bastama týrısik servıstiń sapasyn arttyrýǵa baǵyttalǵan «Visitor Experience» jahandyq baǵdarlamasynyń bir bóligi bolyp tabylady.
Almaty álemniń túkpir-túkpirinen keletin saıahatshylar úshin zamanaýı, qonaqjaı jáne mádenıetke baı baǵyt retinde qalanyń oń ımıjin qalyptastyrýda. Mastercard derekteri boıynsha, qyzmet kórsetý deńgeıiniń joǵary bolýy men qaladan alǵan erekshe áserler qonaqtardyń qaıta oralýyna yqpal etedi — 2024 jyldyń qańtar-qazan aılary aralyǵynda qaıtalama saparlar úlesi 25%-dy qurady.
Shekaralyq qyzmet pen kedendik baqylaý qyzmetkerleriniń kásibı deńgeıin arttyrýǵa erekshe nazar aýdarylýda. Qonaqjaılylyq boıynsha jyl saıynǵy fasılıtasıalyq sesıalar olarǵa halyqaralyq qonaqtarmen qarym-qatynas jasaý daǵdylaryn jetildirýge kómektesedi, bul joǵary standarttaǵy qyzmet kórsetýdi qamtamasyz etip, saıahatshylarǵa qamqorlyq pen qurmet sezimin syılaıdy.
Statısıka Almatynyń óńirdegi jetekshi týrısik ortalyqtardyń biri retinde tabysty ekenin kórsetedi: 2024 jyldyń 9 aıynda jalpy týrısik aǵyn 14,2%-ǵa artyp, 1 729 601 adamdy qurady. Sheteldik týrıser sany 24%-ǵa ósip, 507 567 adamǵa jetti, bul Qazaqstandaǵy jalpy týrısik aǵynnyń jartysynan astamyn quraıdy.