AQSH-tyń Qarjy mınıstrligi «QazAtomÓnerkásiptiń» aqshasyn buǵattan shyǵardy, dep habarlaıdy almaty-akshamy.kz QazAqparatqa silteme jasap.
Bul týraly ulttyq kompanıanyń 2022 jylǵy shoǵyrlandyrylǵan qarjy esebinde aıtylǵan.
«2023 jyldyń 13 qańtarynda AQSH Qarjy mınıstrliginiń sheteldegi aktıvterdi basqarý basqarmasy (OFAC) buǵattalǵan qarajatty qaıtaryp berý týraly lısenzıa berdi. 2023 jyldyń 30 qańtarynda bank-korrespondent 32,7 mln dollar kóleminde qarajatty qaıtardy. Onyń ishinde esepke alynǵan paıyzdar esebinen 0,4 mln dollar da qaıtaryldy», - dep jazylǵan esepte.
Sondaı-aq 2022 jyly shyǵarylǵan qysqa merzimdi komersıalyq oblıgasıalar tólengeni aıtylǵan.
«Bul tólemniń jalpy somasy 50,180 mıllıon dollar boldy. Onyń ishinde 0,18 mıllıon dollardyń kýpony da bar», - delingen esepte.
Buǵan deıin keıbir BAQ-ta kompanıanyń qarjysy sanksıalyq tizimdegi kompanıalarda jatqandyqtan, buǵattalǵany týraly málimet taraǵan.