Osy jyldyń 1 qyrkúıegine deıin shetelden elge ákelingen avtokólikterdiń tizimi jasaldy. Bul týraly Almaty-akshamy.kz Inform.kz-ke silteme jasap habarlaıdy.
Memleket basshysy aǵymdaǵy jyldyń 1 qyrkúıegine deıin Qazaqstanǵa ákelingen sheteldik avtokólikterdi zańdastyrý mindetin júktegen bolatyn. Qazir bul úshin memlekettik organdar barlyq qajetti zańnamalyq jáne uıymdastyrýshylyq sharalardy qabyldaýda. Ekologıalyq jáne Salyq kodeksterine túzetýler ázirlendi.
İİM habarlaýynsha, azamattar bastapqy tirkeý úshin 200-250 myń teńge kóleminde ǵana alym tóleıtin bolady. Zańdastyrý kezinde ýtıl alym tólenbeıdi.
«Kodeksterge túzetýler kelesi jyldyń qańtarynan bastap kúshine enedi, sondyqtan zańdastyrý kelesi jyldan bastap júrgiziletin bolady. Osy jyldyń 1 qyrkúıegine deıin elge ákelingen avtokólikterdiń tizimi jasaldy. Keıinirek ákelingen avtokólikter zańdastyrýǵa jatpaıdy jáne jalpy negizde tirkeledi»- dedi mınıstrlikten.
Búgingi tańda İİM jáne basqa da memlekettik organdar avtokólikterdi zańdastyrýdy barynsha qarapaıym jáne túsinikti etý tásilderin ázirleýde. Avtokólikterdi zańdastyrý úshin polısıaǵa onlaın-ótinish berý múmkindigi pysyqtalýda. Polısıamen baılanys ortalyqtarynyń jumysy uıymdastyrylady.
Tirkelgen kólikterge qarapaıym aq nómirler beriledi, polısıa qandaı da bir shekteýler qoımaıdy.
Eýrazıalyq ekonomıkalyq odaqtyń taýary bolyp tabylmaıtyn avtokólikter kedendik bajdardy tóleýi tıis. Bul úshin Qarjy mınıstrligi azamattarǵa qolaıly kedendik deklarasıalaý tetikterin ázirleýde. Zańdastyrýdy ótkizýdiń barlyq sharttary ázirlengennen keıin Úkimettiń tıisti qaýlysy qabyldanatyn bolady.
Aıta ketý kerek, zańdastyrýǵa «qylmystyq» jáne kedendik baqylaýdan ótpegen avtokólikter kirmeıdi. Avtokólikterdiń shyǵarylǵan jylyna jáne ekologıalyq sanattaryna qaraı talaptar joq. Qalǵan talaptar boıynsha sheshim qazir ulttyq jáne halyqaralyq zańnamany eskere otyryp qabyldanýda.
Sondaı-aq İİM jol erejesin buzýdyń keıbir túrleri boıynsha jaýapkershilikti kúsheıtý bolǵanymen, polısıa sheteldik avtokólikter boıynsha eshqandaı arnaıy reıdtik is-sharalar júrgizbeıtinin habarlady.