Úmitkerler qujattaryn 1 mamyrǵa deıin ótkizýi qajet.
Sheteldegi etnıkalyq qazaqtar, sondaı-aq birqatar eldiń azamattary Qazaqstanda tegin ne jeńildikpen tehnıkalyq bilim ala alady. Mundaı múmkindikti Qazaq-brıtan tehnıkalyq ýnıversıteti usynyp otyr, dep habarlaıdy almaty-akshamy.kz "Otandastar" qoryna silteme jasap.
Baǵdarlama aıasynda kez-kelgen elde turatyn etnıkalyq qazaqtarǵa bakalavrıat boıynsha 2 jáne magıstratýra boıynsha 2 grant usynylady. Budan bólek, qazaq jastary 50 paıyz jeńildik boıynsha 8 grantqa úmit arta alady (bakalavrıat – 4 jáne magıstratýra – 4).
Sondaı-aq, dál osyndaı mólsherdegi granttar men jeńildikter TMD elderi, Grýzıa jáne Ýkraınanyń azamattaryna jáne taǵy da osy mólsherdegi granttar men jeńildikter Mońǵolıa, Pákistan, Úndistan jáne Túrkıa azamattaryna usynylyp otyr. Eske salaıyq, sońǵy atalǵan eki elderdiń tobyndaǵy etnıkalyq qazaqtar da bul granttardyń baıqaýyna qatysa alady.
Baǵdarlama eki kezeńde ótedi. 1 naýryz – 1 mamyr aralyǵynda úmitkerlerden qujattar qabyldanatyn bolsa, ekinshi kezeńde 31 mamyrǵa deıin sozylatyn ekinshi kezeńde suhbattasý sharalary ótedi.
Granttar týraly Qazaq-brıtan tehnıkalyq ýnıversıtetiniń resmı saıtynan tolyǵyraq oqyp bilýge bolady.