Shetelde qujattardy paıdalaný úshin olardyń túpnusqalyǵyn ýákiletti organda zańdy túrde rastaý qajet. Almaty qalasy Óńirlik komýnıkasıalar qyzmetinde ótken brıfıńte qalalyq Ádilet departamentiniń ókilderi apostıl qoıý tártibine keńinen toqtaldy, - dep habarlaıdy almaty-akshamy.kz
Apostıl - qujatqa qol qoıǵan adamnyń qoltańbalarynyń túpnusqalyǵyn jáne onyń tolyqtyǵyn rastaıtyn arnaıy mórtaban, sondaı-aq osy qujatty qaǵaz túrinde nemese elektrondy túrde bekitetin mórdiń nemese mórtabannyń túpnusqalyǵyn rastaıdy.
«Qujattardyń shetelde zańdy kúshi bolýy úshin olardy apostılmen bekitý qajet. Bir el bergen resmı qujattyń qoljetimdiligin qamtamasyz etý jáne ony basqa eldiń aýmaǵynda qabyldaý úshin iskerlik qujattamany, azamattardyń jeke qujattaryn, notarıýstar kýálandyrǵan kóshirmeler men aýdarmalardy resimdeý úshin Apostıl shtampy kerek», - dedi Almaty qalasy Ádilet departamenti tirkeý qyzmeti salasyndaǵy ádistemelik qamtamasyz etý jáne baqylaý bóliminiń jetekshi mamany Botagóz Qarabekova.
Apostıl qujattardy zańdastyrý prosesin jeńildetedi jáne Gaaga konvensıasyna qatysýshy elderdiń aýmaǵynda áreket etedi. Osy Konvensıa qoldanysqa engizilgenge deıin júrgizilgen resmı qujattardy zańdastyrýdy joıady jáne ony apostıl qoıýdyń resmı rásimimen aýystyrady.
Apostıl kem degende 9 sm bolatyn sharshy pishindi bolady jáne ol úlgige sáıkes kelýi kerek. Konvensıaǵa sáıkes, apostıl qujattyń ózine nemese qujatqa bekitilgen jeke paraqqa qoıylady.
«Ádilet mınıstrligi men onyń aýmaqtyq organdaryna Qazaqstan Respýblıkasynyń ádilet organdary men ózge de memlekettik organdardan, sondaı-aq notarıýstardan keletin resmı qujattarǵa apostıl qoıý quqyǵy berilgen. Sonymen birge 1961 jylǵy 05 qazandaǵy «Sheteldik memlekettik qujattardy zańdastyrýǵa qoıylatyn talaptardy joıý týraly» konvensıaǵa sáıkes komersıalyq nemese kedendik operasıalarǵa tikeleı qatysty qujattarǵa apostıl qoıylmaıdy», - dep túsindirdi Almaty qalasy Ádilet departamentiniń tirkeý qyzmeti salasy ádistemelik qamtamasyz etý jáne baqylaý bóliminiń basshysy Muqajan Muhamed.
Apostıl jasaǵany úshin 0,5 aı mólsherinde memlekettik AEK salyǵy alynady. Qazirgi ýaqytta bul soma 1725 teńgeni quraıdy.
Sondaı-aq, 2021 jyly osy memlekettik qyzmetti elektrondyq formatta alý úshin E-apostıl pılottyq jobasy engizildi. Qazirgi ýaqytta E-APP AQSH, Gonkong jáne Qazaqstandy qosa alǵanda, apostıl týraly Gaaga Konvensıasynyń 50 elden kóp el paıdalanylady.
Bul qyzmet resmı qujattarǵa apostıl mórin berý úderisin aıtarlyqtaı jyldamdatady jáne álemniń kez kelgen núktesinen elektrondy apostıl qoıylǵan qujattardy onlaın rejıminde alýǵa múmkindik beredi.
«E-Apostıl» qyzmeti kelesi mindetterdi sheshýge múmkindik beredi:
- úıden shyqpaı jáne qaǵaz qujattardy usynbaı apostıl qoıý qyzmetin alý.
- memlekettik qyzmet kórsetý merzimderin ońtaılandyrý.
- elektrondyq tizilimdi resimdeý rásimin júrgizý.
Bul rette ýákiletti organdar mynadaı faktorlar anyqtalǵan jaǵdaıda memlekettik qyzmet kórsetýden bas tarta alady:
- Tirkelgen qujattardyń tolyq emes fakstigin anyqtaý;
- apostıl qoıýǵa jatatyn qujattardyń bolmaýy nemese qujattardyń usynylmaýy;
- Memlekettik qyzmet kórsetý úshin qajetti ótinish pen bekitilgen, usynylǵan qujattardyń Kovensıa talaptaryna sáıkes kelmeýi;
- qoltańba úlgileri men mór bederiniń qujatpen sáıkes kelmeýi.
Apostıl qyzmetin kelesi memlekettik organdar kórsetedi:
- QR Ádilet mınıstrligi
- QR Bilim jáne ǵylym mınıstrligi
- QR İshki ister mınıstrligi
- QR Mádenıet jáne aqparat mınıstrliginiń Aqparat jáne muraǵattar komıteti
- QR Joǵarǵy sýdıasy janyndaǵy Sot ákimshiligi komıteti
- QR Qarjy mınıstrligi
- QR Bas prokýratýrasy
- QR Qorǵanys mınıstrligi
- QR UQK