Ǵylymı aınalymǵa engizý úshin jumys toby jasaqtalmaq
Ult ustazy Ahmet Baıtursynuly men «Alash» qozǵalysynyń basqa da kórnekti qaıratkerleri týraly shetel arhıvterinde saqtalǵan derekter izdestirilip jatyr, dep habarlaıdy Almaty-akshamy.kz. Bul týraly Ádilbek Qaba óziniń Facebook paraqshasynda jazdy. Ol derekter tabylǵan jaǵdaıda olardy ǵylymı aınalymǵa engizý úshin til bilimi, ádebıet jáne tarıh salasy ǵalymdarynan quralǵan jumys toby jasaqtalǵanyn habarlady.
«On adamnan turatyn ekspedısıanyń alǵashqy legi josparǵa sáıkes jáne alashtanýshy, ahmettanýshy ǵalymdardyń usynystary boıynsha Reseıdiń Máskeý, Sankt-Peterbýrg qalalaryndaǵy, Tatarstannyń Qazan qalasyndaǵy memlekettik arhıvterine baryp, qazaq aǵartýshylarynyń eńbekterin izdestirip qaıtty. Búgingi kúni bul jumystar Orynbor oblysynyń memlekettik arhıvi men Omby oblysynyń tarıhı arhıvinde júrgizilýde», - dedi Ádilbek Qaba.
Oǵan qosa aldaǵy ýaqytta osy maqsatpen Tashkent, Troısk, Helsınkı qalalaryndaǵy arhıvterdi aralaý josparlanǵanyn aıtty. Eger buryn eshbir jerde jarıalanbaǵan tyń derekter tabylyp jatsa, josparlanǵan jınaqqa enip, kópshilik kózaıymyna aınalady.
«Joba aıasynda alǵashqy eki aı tek qana uıymdastyrýshylyq jumystarǵa arnalsa, qalǵan tórt aı ishinde arhıvterden tıisti materıaldar izdestirý, tehnıkalyq óńdeý, saraptaý jáne jınaqty ázirleý jumystary júrgizilmekshi», - delingen jazbada.