Bishkekte «Muqaǵalı» jáne «Ot» dep atalatyn qazaqstandyq eki kınokartınanyń tusaýkeseri boldy
Premera qazaq kınosy kúni aıasynda ótti, dep habarlaıdy Almaty-akshamy.kz 24.kz-ke silteme jasap.
Otandyq týyndylardy shetelde kórsetý marafony bıyl 15 eldi qamtıdy. Biraq eń alǵash bolyp, dál osy qyrǵyz eliniń astanasynan bastaý aldy. Qazaq kınosyn qyrǵyz halqy súıip kóredi.
Sondyqtan jergilikti kórermen nazaryna bul joly da bir-birine múlde uqsamaıtyn, biregeı kartınalar usynyldy. Sonyń biri rejıser Bolat Qalymbetov túsirgen «Muqaǵalı» fılmi.
Drama janryndaǵy bul týyndy kórermendi tek aqynnyń shyǵarmashylyǵymen ǵana tanystyryp qoımaıdy. Sonymen qatar Muqaǵalıdiń ishki jan dúnıesi, ómiri jaıly syr shertedi.
«Endi bul qazaqtyń uly aqyny. Muqaǵalı Maqataevtyń 90 jyldyǵyna arnalǵan bolatyn. Úlken bir...munda men aıta keteıin bul endi aqyn týraly emes, aqynnyń taǵdyry týraly, aqynnyń ómir súrgen ortasy týraly, sol ǵasyr týraly. Nege Muqaǵalı Maqataev 45 jasynda erte ómirden ketti degen suraqtarǵa jaýap izdeýge tyrystyq», - dedi fılm rejıssóri Bolat Qalymbetov.