Qazaq eline qurmet bildirildi!
Sheshenstannyń Halyq ártisi Elına Mýrtazova qazaqsha án shyrqap, eldi tánti etti. Ol qazaq válsiniń koroli Shámshi Qaldaıaqovtyń áıgili «Ana týraly jyr» ánin oryndap, vıdeonyń kaver nusqasyn YouTube-qa jarıalady, dep habarlaıdy Almaty-akshamy.kz Almaty.tv silteme jasap.
Vıdeonyń túsiktemesinde: «Ana... Álemniń barlyq tilderinde ǵajap estiletin sóz. Sheshenstan Respýblıkasynyń Halyq ártisi Elına Mýrtazova barsha analarǵa arnap osy bir jan tebirenterlik, áserli ándi qazaq tilinde oryndady», – dep jazylǵan.
Onda eki halyqtyń arasyn uzaq ýaqyt boıy baýyrlyq, dostyq qarym-qatynas baılanystyryp turǵany atap ótilgen.
«Ata-babalarymyzdyń tarıhy men bastan ótkergen qıynshylyqtary bizdi biriktiredi. Sheshen halqy aýyr kúnderdi bastan keshkende Qazaqstan kómek qolyn sozdy», – dep jazǵan avtor.
Elına Mýrtazova úshin Qazaqstan ekinshi Otany ispetti. Ánshi bir kezderi bizdiń elde turǵan.