Sottalýshylarǵa eki epızod boıynsha aıyp taǵyldy.
Ekologıa Mınıstrliginiń joǵary laýazymdy qyzmetkeri jemqorlyq áreketteri úshin sottaldy, dep habarlaıdy Almaty-akshamy.kz
Astana qalasynyń qylmystyq ister jónindegi aýdanaralyq soty ekologıa, geologıa jáne tabıǵı resýrstar mınıstrliginiń basshy qyzmetkerleriniń biri men onyń qaramaǵyndaǵylardy para alǵany úshin aıyptady.
Astana sotynyń málimetinshe, balyq sharýashylyǵy komıtetiniń tóraǵasy men balyq resýrstary jáne balyq sharýashylyǵyn retteý basqarmasynyń basshysy para aldy dep aıyptaldy.
Sottalýshylarǵa eki epızod boıynsha aıyp taǵyldy.
Birinshi epızod boıynsha – 2021-2024j. aralyǵynda Komıtet tóraǵasy óz qaramaǵyndaǵy basqarma basshysymen aldyn ala sóz baılasý arqyly Komıtetke baǵynysty uıymnyń bas dırektorynan jalpy qamqorlyǵy úshin banktik aýdarymdar arqyly 1,5 mln. teńge somasynda aqsha túrinde para alǵan.
Ekinshi epızod boıynsha – "N" JSHS dırektorynan banktik aýdarym arqyly uıym qyzmetiniń qamqorlyǵy úshin 2 mln.teńge mólsherinde para alǵan.
Sot otyrysy barysynda sottalýshylar kinásin moıyndap, jasaǵan isterine ókinish bildirdi.
Atalǵan baptyń sanksıasy múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, paranyń 60 eselengennen 70 eselengenge deıingi somasy mólsherinde aıyppul salý ne 7 jyldan 12 jylǵa deıingi merzimge bas bostandyǵynan aıyrý túrindegi jazany kózdeıdi.
Shyn júrekten ókiný, quqyq buzýshylyqty ashýǵa járdemdesýin jáne jas balalarynyń bolýy sıaqty qylmystyq jaýapkershilik pen jazany jeńildetetin mán-jaılardyń bolýyna qaramastan, Komıtet tóraǵasy men basqarma basshysy memlekettik qyzmet pen kvazımemlekettik sektorda laýazymdardy atqarý quqyǵynan ómir boıyna aıyryla otyryp, 6 jylǵa sottaldy.
Sondaı-aq, QR Prezıdentine Komıtet tóraǵasyn memlekettik nagradadan aıyrý týraly usynys engizildi.
Úkim zańdy kúshine engen joq.