2022 jylǵy 24-31 qańtar aralyǵynda Shekara qyzmetiniń aýmaqtyq bólimsheleri shetelge qarajatty zańsyz shyǵarý áreketteriniń aldyn aldy, dep habarlaıdy Almaty-akshamy.kz vedomstvonyń baspasóz qyzmetine silteme jasap.
UQK málimetinshe, shekarashylar jalpy somasy 311 526 967 teńge bolatyn deklarasıalanbaǵan shetel valútasyn alyp shyǵýdyń 24 deregin (Nur-Sultan, Almaty, Túrkistan, Aqtaý, Óskemen qalalarynda) anyqtaǵan.
Materıaldar quzyretteri boıynsha memlekettik kirister jáne ekonomıkalyq qylmystardy tergeý organdaryna berilgen.
"UQK Shekara qyzmeti Qazaqstannan tys jerlerge shyǵatyn azamattarǵa iri kólemde aqsha (on myń AQSH dollarynan astam) alyp shyǵýdaǵy zań talaptaryn saqtaýdy jáne deklarasıalaý qajet ekenin eske salady", - delingen habarlamada.
Buǵan deıin Qazaqstanda elden zańsyz aqsha shyǵarýǵa baqylaý kúsheıtilgeni habarlanǵan bolatyn. Buıryqty Ulttyq bank Qarjy monıtorıńi agenttigi jáne Qarjy naryǵyn retteý jáne damytý agenttigimen birlesip qabyldaǵan.