Qazaq-qyrǵyz shekarasynan 1 tonna sút ónimin zańsyz ótkizbek bolǵandar ustaldy.
Júrgizýshilerge aıyppul salynyp, júkter jóneltý pýnktine qaıtaryldy, dep habarlaıdy aqshamnews.kz
Jambyl oblysyndaǵy «Qordaı» veterınarlyq baqylaý beketinde tıisti ilespe qujatsyz Qyrǵyz Respýblıkasynyń aýmaǵynan elimizge 1 tonna sút ónimin ákelýge tyrysqan avtokólik ustaldy. Bul zańbuzýshylyqty memlekettik veterınarlyq-sanıtarlyq ınspektor qujattamalyq baqylaý prosesinde anyqtady.
Júrgizýshilerge aıyppul salynyp, júkter jóneltý pýnktine qaıtaryldy.
«Jyl basynan beri shekaranyń Qazaqstan-Qyrǵyz ýchaskesinde ornalasqan veterınarıalyq baqylaý beketterinde veterınarıalyq ilespe qujattardyń bolmaýyna baılanysty anyqtalǵan quqyqbuzýshylyqtar jóninde 77 akt jasaldy. Ákimshilik aıyppuldar 3,2 mln teńgeden asty»,-delingen ASHM habarlamasynda.
«Qordaı» BKP-da 50 ákimshilik materıal rásimdelip, 2,2 mln teńge aıyppul óndirildi.