Ázerbaıjan Armenıany Nahchyvan baǵytyndaǵy pozısıalaryn atqylady dep aıyptasa, Erevan bul málimdemeni joqqa shyǵardy.
Ázerbaıjan Qorǵanys mınıstrliginiń málimetinshe, Armenıa aýmaǵynan Nahchyvan avtonomıalyq respýblıkasy baǵytyndaǵy pozısıalaryna oq atylǵan, dep habarlaıdy almaty-akshamy.kz.
«7 sáýir kúni shamamen saǵat 17:15-te Armenıa Qarýly Kúshteriniń bólimsheleri Pashaly aýdanynyń Sultanbek eldi mekeni baǵytynda ornalasqan pozısıalardan Ázerbaıjan áskeriniń Shahbýz aýdany Shada eldi mekeni baǵytynda Ázerbaıjan áskeriniń Nahchyvan Avtonomıalyq Respýblıkasy Shahbýz aýdanyndaǵy Shada eldi mekenindegi pozısıalaryna oq atyldy», - delingen vedomstvo habarlamasynda.
Qorǵanys mınıstrligi málimdemesinde Ázerbaıjan Qarýly kúshteriniń jaýap sharalary qabyldanǵany atap kórsetildi.
Armenıa tarapy Ázerbaıjan pozısıalaryn atqylaǵany týraly aqparatty joqqa shyǵarady.
«Ázerbaıjannyń Qorǵanys mınıstrligi jalǵan aqparat taratýdy jalǵastyrýda. Ázerbaıjan Qorǵanys mınıstrliginiń 7 sáýir kúni saǵat 17:15-te Armenıa Qarýly kúshteriniń bólimsheleri shekaralyq aımaqtyń ońtústik-batys bóliginde ornalasqan Ázerbaıjan pozısıalaryna oq jaýdyrdy degen habary shyndyqqa janaspaıdy», - delingen Armenıa Qorǵanys mınıstrliginiń málimdemesinde.