Reseılik azamattyń kóliginen ruqsat qujattary joq qarý tabyldy
«Qosaq» ótkizý pýnktinde Reseıdiń 46 jastaǵy turǵynynyń jeńil kóliginen elektroshoker tabyldy, dep habarlaıdy Almaty-akshamy.kz
«Pavlodar oblysy Ýspen aýdanynyń polısıasyna shekara qyzmetkerleri «Qosaq» shekara baqylaýy bóliminde Reseı Federasıasynyń 46 jastaǵy turǵynynyń «Honda» kóliginen ruqsat qaǵazdary joq «Tander k.222» markaly elektroshoker anyqtalǵanyn habarlady», - dep habarlady Pavlodar oblystyq polısıa departamentinen. «Iesi Qazaqstanǵa elektr qarýyn kirgizýge ruqsat beretin qujattarynyń joq ekenin rastady», dep atap ótti Pavlodar oblysy Ýspen aýdanyna qarasty ákimshilik polısıa bastyǵy Aleksandr Semenchenko. «Elektr qarýyn zańsyz saqtaý jáne tasymaldaǵan Reseı Federasıasy azamatyna qatysty ákimshilik óndiris qozǵalyp, elektroshoker alynǵan. Materıal sotta qaralyp, RF 46 jastaǵy azamatyna 20 AEK (58 340 teńge) kóleminde aıyppul salyndy», - dep atap ótti A.Semenchenko.
2021 jyldyń basynan beri pavlodarlyq polıseıler qarýdy zańsyz satyp alý, tapsyrý, satý, saqtaý, alyp júrý jáne tasymaldaǵan 92 adamdy jazaǵa tartty.