Týrızm jáne sport mınıstri Ermek Marjyqpaev Shavqat Rahmonovty kezekti jeńisimen quttyqtady
Aralas jekpe-jek álemindegi eń bedeldi uıym – UFC-de óner kórsetetin otandasymyz Shavqat Rahmonov kezekti kezdesýinde jeńiske jetti. Týrızm jáne sport mınıstri Ermek Marjyqpaev ataqty sportshyny quttyqtap, aldaǵy týrnırlerde de sátti óner kórsetýin tiledi.
«Elimizdiń Táýelsizdik kúninde tań azanymen AQSH-tan aqjoltaı habar jetti. Aralas jekpe-jektegi el maqtanyshy Shavqat Rahmonov búgin UFC-de kezekti aıqasyn ótkizip, qazaq elin taǵy bir jarqyn jeńisimen qýantty. Egemendik kúninde el turǵyndaryn qýanyshqa bólegen dańqty sportshymyzdy jeńisimen shyn júrekten quttyqtaımyn!»,-dep jazdy mınıstr Telegram kanalynda.
Aıta keteıik, 40 jastaǵy amerıkalyq sportshy Stıven Tompson búginge deıin sporttyq karerasynda 24 ret oktagonǵa shyǵyp, 17 márte jeńis toıyn toılaǵan.
Al Shavqat Rahmonovtyń júrip ótken joly jankúıerlerdiń kóz aldynda. 29 jastaǵy qandasymyz 2014 jyldan beri aralas jekpe-jekpen aınalysyp keledi. Osy ýaqyt aralyǵynda 17 ret aıqas alańyna shyǵyp, barlyq básekeni aıqyn basymdyqpen aıaqtady. 8 qarsylasyn merziminen buryn tize búktirgen.
Bul – jerlesimizdiń 18-shi jeńisi.