Qazaqstandyq aralas jekpe-jek sheberi Shavkat Rahmonov (19-0) UFC reıtıńinde jartylaı orta salmaqta resmı túrde ekinshi orynǵa kóterildi, dep habarlaıdy aqshamnews.kz
Bul jańalyq UFC jankúıerleri men qazaqstandyq sport súıer qaýym úshin mańyzdy oqıǵa boldy.
Shavkat Rahmonov ırlandıalyq Ien Gerrıdi (15-1) jeńgennen keıin, úshinshiden ekinshi orynǵa joǵarylady. Buryn ekinshi orynǵa ıe bolǵan Kamarý Ýsman (20-4) reıtıńte bir satyǵa tómen túsip, úshinshi orynǵa ornalasqan. Ien Gerrı bolsa jetinshi ornyn saqtap qaldy.
Qazirgi tańda jartylaı orta salmaqta UFC reıtıńiniń kóshin brıtandyq Leon Edvards (22-4) bastap tur. Al UFC chempıondyq belbeýi Belal Muhammadtyń (24-3) enshisinde. Belal Muhammad Shavkat Rahmonovpen UFC 310 týrnırinde kezdesýi tıis bolǵan, biraq jaraqatyna baılanysty osy jekpe-jekten bas tartqan edi.
UFC prezıdenti Dana Ýaıt bul asa mańyzdy jekpe-jekti keler jyly uıymdastyrýǵa nıetti ekenin habarlady, al Shavkat Rahmonovtyń karerasy jańa belesterge jetip, álemdik arenada óz ornyn nyǵaıtýda.