Búldirshinderdi osylaı aldaǵan boıjetken qolǵa tústi.
Ol 3 kúnde 300 myń teńgege jýyq shyǵyn keltirgen, dep habarlaıdy aqshamnews.kz qalalyq polısıa departamentiniń baspasóz qyzmetine silteme jasap.
Kóppáterli úılerdiń aýlasynda júrgen qyz balalardy "shashyńdy ádemi etip órip beremin" dep aldaǵan boıjetken altyn syrǵalaryn sheship alyp ketken.
"Úsh kún ishinde ol qalanyń 4 kishkentaı turǵynynan alaıaqtyq jolmen qymbat zergerlik buıymdardy aldap alyp, 300 myń teńgege jýyq shyǵyn keltirgen", - delingen polısıanyń habarlamasynda.
Ál-Farabı APB-nyń jedel ýákilderi dereý kúdiktini izdeýge kiristi.
Polıseıler kýágerlerden bolǵan oqıǵalar týraly surastyryp, qylmys ornyna jaqyn ornalasqan beınebaqylaý kameralarynyń jazbalaryn tekserdi.
Qabyldanǵan sharalardyń nátıjesinde 20 jastaǵy qyz qala aýmaǵynda ustaldy. Ol urlaǵan buıymdaryn lombardqa ótkizgeni anyqtaldy.