Sharyn shatqalynda adasyp ketken týrıser tabyldy.
Jeti adamnan turatyn top «Qorǵandar qamaly» dep atalatyn shatqal mańynda baǵytynan jańylǵan. Sóıtip, qaıtar joldy tappaı qalypty, dep habarlaıdy Almaty-akshamy.kz 24.kz-ke silteme jasap.
Joǵalǵandardy izdeýge tártip saqshylary, jergilikti atqarýshy organ ókilderi, kásibı qutqarýshylardy qosqanda júzden asa adam jumyldyryldy. Arnaıy tehnıkamen aýmaqqa sholý jasaldy. Túni boıy júrgizilgen jumys tańerteń nátıje berdi. Týrıser aman-esen tabylyp, qaýipsiz jerge shyǵaryldy. Sharshap-shaldyqqan olar medısınalyq kómekke júginýden bas tartqan.
«Týrısik baǵyttardy josparlaǵan kezde, mindetti túrde Almaty oblystyq TJD izdestirý-qutqarý bólimine tirkelip, baılanys telefondary men marshýrýt syzbasyn kórsetińiz. Kelý jáne ketý kúnderin jáne basqa da aqparatty habarlańyz», - deıdi Almaty oblystyq TJD baspasóz qyzmetiniń qyzmetkeri Baqyt Imanqulov.