Búgin túnde Qaraǵandy oblysynyń Saran qalasynda sharýashylyq qurylystan órt shyqty, dep habarlaıdy aqshamnews.kz QR Tótenshe jaǵdaılar mınıstrliginiń baspasóz qyzmeti.
QR Tótenshe jaǵdaılar mınıstrliginiń baspasóz qyzmetiniń málimetterine qaraǵanda, qutqarýshylar órt kezinde 3 adamdy evakýasıalap, órtenip jatqan jerden úsh gaz balonyn shyǵarǵan. Órt Saran qalasy Sımlánskaıa kóshesi boıyndaǵy úı aýlasyndaǵy sharýashylyq qurylysynan shyqqan, sondaı-aq dýal janǵan.
Tótenshe jaǵdaılar mınıstrliginiń ókilderi úıden 3 balany evakýasıalady.
«Órt aımaǵynan kólemi 27 lıtr bolatyn 3 gaz balony shyǵaryldy. Jalyn 40 sharshy metr alańdy sharpyǵan, órt tolyq sóndirildi, zardap shekkender joq», - delingen habarlamada.