Qaraǵandy oblysynda sharýa qojalyq ıesin san soqtyrǵan alaıaq ustaldy.
Qaraǵandy oblysy, Shet aýdandyq polısıa bólimine 60 jastaǵy sharýa qojalyqtyń ıesi aryzben shaǵymdandy. Ol tártip saqshylaryna alaıaqtyń qurbany bolǵany týraly habarlady.
Belgili bolǵandaı byltyrǵy jyldyń tamyz aıynda qojalyqtyń jaıylymy ornalasqan jerge mal satyp alatyn adam kelgen. Belgisiz adam qojalyq ıesine kóterme baǵamen mal alatyny jóninde qujattar kórsetip, jábirlenýshiden 40 bas jylqy alǵan.
Alaıda, satyp alýshy qolma-qol aqshasynyń joq ekenin aıtyp, alǵan jylqyny satqan soń aqsha berýge kelisken. Sondyqtanda satyp alýshynyń sózine sengen qojalyq ıesi jylqylaryn salyp bergen.
Arada jarty jyl ýaqyt ótse de jábirlenýshi maldyń aqshasyn ala almaı san soǵyp qalǵan. Oǵan keltirilgen shyǵyn kólemi 12 mıllıon teńgeni qurady. Polısıa qyzmetkerlerimen júrgizilgen keshendi jumystar barysynda osy iske qatysy bar degen kúdikpen 37 jastaǵy Astana qalasynyń turǵyny ustaldy. Ol qylmysy týraly moıyndaý kórsetpe belgilerin berip, aıǵaq zattar tárkilendi.
Atalǵan derek boıynsha qylmystyq is qozǵaldy. Qazirgi ýaqytta tártip saqshylarymen kúdiktiniń osyǵan uqsas qylmystarǵa qatystylyǵy tekserilýde.