Jańa baǵyt!
Shanhaıdan Qazaqstan aýmaǵymen Gambýrgke temirjol júk tasymaly ashyldy. Jańa baǵyt boıynsha alǵashqy taýar poıyzy jolǵa shyqty, dep habarlaıdy Almaty-akshamy.kz. Qazaqtv.com saıtyna silteme jasap.
«Shanhaı ekspresi» nemis qalasyna kıim-keshek, avtobólshekter, kún batareıalary, ydys-aıaq, jıhaz syndy ártúrli qajetti zattardy jetkizedi. Taýarlar 40 fýttyq 50 konteınerge júkteldi. Poıyz Gambýrgke eki apta ishinde jetedi. Ol Qazaqstan, Reseı, Belarýs jáne Polsha arqyly tranzıtten ótýi tıis.
Al qaıtarda 4-shi Qytaı halyqaralyq ımporttyq EKSPO kórmesine qatysqan nemis kompanıalaryna tıesili ónimderdi júkteý josparlanýda.
Shanhaı kedeniniń aqparaty boıynsha, taýarlar mejeli jerge apta saıyn keletin bolady.
Bolashaqta Qytaı-Eýropa temirjol júk tasymaly aıasynda qosymsha baǵyttar ashylatynyn aıta ketken jón.