Almaty oblysy Shamalǵan temirjol beketindegi aınalma joldyń qurylysy biter emes
Úsh jyl buryn bastalǵan joba bıyl aıaqtalyp, el ıgiligine berilýi tıis edi. Biraq istiń mejesine jetýi ekitalaı, dep habarlaıdy almaty-akshamy.kz 24.kz-ke silteme jasap. Ótkelde kún saıyn uzyn-sonar kólik keptelisi qalyptasady. Júrgizýshiler temirjoldan ótý úshin saǵattap tosýǵa májbúr. Beket turǵyndary ne deıdi? Jol qurylysy qalaı júrip jatyr?
Almas Sadýaqas, tilshi:
- Bul Jibek Joly aýylyndaǵy temirjol men kúre joldyń túıisken tusy. Ótkelden kún saıyn myńdaǵan kólik ótedi. Batys pen Shyǵysqa jolaýshylar men júk poezdary júıitkıdi. Poezd jaqyndaǵanda ótkel jabylady.
Kólik nópiriniń kóptiginen bekettiń eki jaǵynda da keptelis qalyptasady. Ásirese túski jáne keshki ýaqyttarda tipti qıyn. Eske sala ketsek, tórt jyl buryn dál osy jerde poezd ben jolaýshy tasymaldaıtyn avtobýs soqtyǵysyp, saldarynan 1 adam qaza tapty. Sol qaıǵyly oqıǵadan keıin bir jyl ótkesin bekette aınalma joldyń qurylylysy bastalǵan edi. Sebebi jol salmaıynsha Shamalǵandaǵy kólik keptelisi problemasyn sheshý múmkin emes. Biraq túrli sebepterge baılanysty jobany tapsyrý merzimi keıinge shegerile berdi. Bekette keptelis máselesine qatysty turǵyndar shaǵymyna nazar aýdarsaq!
Mine sol kópshilik asyǵa kútken aınalma joldyń jalpy uzyndyǵy 6 km. Ol respýblıkalyq mańyzy bar Almaty-Astana kúre jolynyń 43-49 shaqyrymy aralaǵynda ornalasady.
Halyq asyǵa kútken aınalma jol qurylysy birneshe sebepterge baılanysty toqtaǵan. Joba boıynsha jol Qarasaı aýdanyndaǵy orman qoryna tıesi 700 metr aýmaqty basyp ótedi. Jer telimin orman qorynan alyp, ınfraqurylymdyq nysanǵa paıdalanýǵa ruqsat berý prosi biraz ýaqytqa sozyldy. Sonymen birge jeke turǵyn úılerdi satyp alyp, súrýge týra keldi. Osyndaı jaıttar qurylysty tejedi, deıdi mamandar. Aıta ketý kerek qurylysy jumysy bıyl qarqyn aldy. Eki kópir, tireýish temirbeton turǵyzyldy. Mamandardyń aıtýynsha qazirgi kezde qurylys montaj jumystarynyń 75% aıaqtalyp qalǵan.
Nurjan Tańatarov, «Qazavtojol» UK AQ OF dırektorynyń orynbasary