Taǵy bir brıtandyq kompanıa mobıldi ınternetpen qamtamasyz etýdiń jańa jolyn oılap tapty.
Joba Barselonadaǵy kórmede tanystyryldy. Internet stansıa retinde áýe sharlary qoldanylady, dep habarlaıdy Almaty-akshamy.kz 24.kz-ke silteme jasap.
Oǵan 130 shaqyrym jerdegi kez kelgen adam qosyla alady. Bir áýe shary jerdegi 10 uıaly telefon stansıasyn aýystyra alady. Mamandar bul - shalǵaıdaǵy aýyl turǵyndaryn, ǵalamtormen qamtamsyz etýdiń taptyrmas tásili deıdi.
«Jer sharymyzda 2,5 mıllıard adam ınternetke qosylmaǵan. Iaǵnı olardyń ǵalamtor arqyly bilim alyp, jumys istep, saýda-sattyq jasaý múmkindi joq. Biz áýe sharalary arqyly osy máseleni sheshýge kúsh salsaq degen nıettemiz. Jelini alǵash ret Zanzıbarda synap tekserdik. Endi damýshy elderde qoldanýdy josparlap otyrmyz», - deıdi «World Mobile»kompanıasynyń bas dırektory Mıkkı Ýotkıns.