Bydgosh qalasynda (Polsha) jyldam shahmattan (rapıd) áıelder arasynda komandalyq álem chempıonaty bastaldy. Týrnırge 12 komanda qatysyp jatyr. Olar eki topqa bólingen, dep habarlaıdy Almaty-akshamy.kz Qazaqstan shahmat federasıasyna silteme jasap.
Qyzdarymyz Grýzıa, Ýkraına, Úndistan, Fransıa jáne Mysyrmen oınaıdy. Aldyn ala ótken týrnır qorytyndysy boıynsha eki úzdik komanda anyqtalady.
Olar kýbok júıesi boıynsha 1-4 oryndardy ózara bólispek.
Birinshi kezdesýde qazaqstandyq shahmatshylar Mysyr quramasyn 3:1 esebimen jeńdi (Bıbisara Asaýbaeva men Merýert Kamalıdenova jeńiske jetti, al Ksenıa Balabaeva men Alýa Nurmanova oıynyn teń aıaqtady).
Ekinshi aınalymda bizdiń qurama Úndistan komandasyn utty. Jeńis upaıyn Ámına Qaıyrbekova ákeldi.
Endi Fransıa men Ýkraına komandalarymen ótetin kelesi eki mach óte mańyzdy bolmaq.
