Bıbisara Asaýbaeva 17 jasynda eń jas álem chempıony atanǵan.
Qazaqstandyq shahmatshy Bıbisara Asaýbaeva Gınnestiń rektordtar kitabyna endi, dep habarlaıdy Almaty-akshamy.kz
17 jasynda eń jas álem chempıony atanǵan Bıbisaraǵa arnaıy sertıfıkatyn joldandy.
«Qazaqstandyq Bıbisara Asaýbaeva (2004 jyly 26 aqpanda dúnıege kelgen) – blısten áıelder arasynda eń jas álem chempıony. Bıbisara 2021 jyldyń 30 jeltoqsanynda Polshanyń Varshava qalasynda blısten áıelder arasynda ótken álem chempıonatynda 17 jasynda jeńiske jetti», - delingen resmı qujatta.
Eske sala ketsek, Polshanyń astanasy Varshava qalasynda ótken álem chempıonatynda qazaqstandyq shahmatshy Bıbisara Asaýbaeva «blıste» birinshi oryndy jeńip alyp, álemdik shahmat tarıhynda áıelder arasynda eń jas shahmatshy atanǵan bolatyn.
Sondaı-aq, osy chempıonatta jyldam shahmattan (Rapıd) 2-oryndy ıelendi. Sheshýshi partıalarda Bıbisara grýzıalyq tájirıbeli shahmatshy - grosmeıster Naný Dzagnıdzeni, óz otandasy Ásel Serikbaıdy jeńip, chempıonattyń jeńimpazy halyqaralyq grosmeıster Aleksandra Kostenúkpen teń oınady.
Aıta keteri, Bıbisara Asaýbaevany Prezıdent Qasym-Jomart Toqaev ta qabyldady. Sol jerde jas shahmatshy Memleket basshysyna óz ótinishin aıtqan.