Almatyda ótken táýilikte 14 qylmys boldy
Bul týraly «Almaty» telearnasynyń tikeleı efırinde qalalyq Polısıa departamentiniń bastyǵy Qanat Taımerdenov aıtty, dep habarlaıdy Almaty-akshamy.kz Almaty.tv-ǵa silteme jasap
«Ótken táýlikte qalamyzda 14 qylmys boldy. Onyń bári izi sýylmaı ashyldy. Polısıa jasaqtary Alataý jáne Medeý aýdandarynda profılaktıkalyq jáne izdestirý sharalaryn ótkizdi», - deıdi Qanat Taımerdenov.
Onyń aıtýynsha, qalada saqtyq sharalary barynsha qolǵa alyndy.
«Qoǵamdyq tártipti qamtamasyz etýge, azamattardyń quqyqtaryn saqtaýǵa, zańdylyqty ornatýǵa ishki ister organdarynyń qyzmetkerleri jáne áskerı jasaqtar jumyldyryldy. Saqtyq sharalary barynsha qolǵa alyndy», - deıdi ol.
Elde dúrbeleń týdyryp, nysandardy qıratyp, tonady degen kúdikpen qazirgi ýaqytta 1 678 adam ustaldy.
Zańsyz aınalymnan 36 birlik atys qarýy men 1 myń 476 oq-dári tárkilenip, Almatynyń shetinde ornlalasqan 5 blok-bekette 38 adam ustaldy.
«102» púltine 881 habarlama kelip tústi. Komendatýranyń Call-ortalyǵyna azamattardan jedel áreket etýdi talap etetin 136 qońyraý qabyldandy. Barlyq habarlama óńdeldi.
Qazaqstan Respýblıkasynyń «Tótenshe jaǵdaı týraly» zańyna sáıkes, oryndalýy tıis birqatar basty jáne ýaqytsha shekteýler qarastyrylǵan.
«Osy ýaqytta jasalǵan quqyqbuzýshylyqtar úshin jaýapkershilik edáýir qatań bolady. Men Almaty qalasynyń komendanty retinde azamattarǵa saqtyq sharalary jaıly úndeý jasaımyn. Arańdatýshylarǵa ermeı, tek resmı derekkózderden alynǵan aqparattardy qoldanyńyzdar. Zań talaptaryn qatań saqtap, qoldanylyp jatqan sharalarǵa túsinistikpen qaraýlaryńyzdy suraımyn», - deıdi Qanat Taımerdenov.
Aıta keteıik, Qazaqstan Respýblıkasynyń Prezıdentiniń Jarlyǵymen Almatyda komendanttyq saǵat engizildi.