Qazaqstan Respýblıkasy Ulttyq ekonomıka mınıstrligi jańa Salyq kodeksi aıasynda Úkimet qaýlysynyń jobalaryn tanystyrdy. Kásipkerler úshin basty jańalyq – salyq tóleýshilerdiń shamamen *70%-y jeńildetilgen rejımde qala beredi.
Jeńildetilgen rejımde kimder qalady?
-úı janyndaǵy dúkender, bazarlar men dárihanalar;
-kafe, meıramhanalar jáne kólik qyzmetteri;
-medısına men bilim berý salasy;
-aýyl sharýashylyǵy;
-kreatıvti ındýstrıa jáne basqa da halyqqa jaqyn qyzmet túrleri.
Bul degenimiz, halyqpen tikeleı jumys isteıtin kóptegen kásiporyndar burynǵydaı qoljetimdi ári túsinikti rejımde jumysyn jalǵastyrady. Nalogtar qarapaıym bolyp qalady, al taýar men qyzmet baǵasy qosymsha shyǵyndar esebinen qymbattamaıdy.
Ózin-ózi jumyspen qamtyǵandarǵa qoldaý
Taǵy bir mańyzdy qadam – ózin-ózi jumyspen qamtyǵandar úshin múmkindik keńeıdi. Endi 46 túrli qyzmet túrimen (taksı, tehnıka jóndeý, tazalyq, repetıtorlyq, sulýlyq salondary jáne t.b.) JK tirkemeı-aq aınalysýǵa bolady.
Aılyq tabysy 300 AEK-ke deıin bolǵan jaǵdaıda olar búrokratıasyz zańdy túrde tabys taba alady, ári áleýmettik kepildikteri saqtalady.
Osylaısha, memleket shaǵyn bıznes pen ózin-ózi jumyspen qamtyǵan azamattardy qoldaýdy basty nazarda ustap otyrǵanyn kórsetip otyr.