Jańa Salyq kodeksi iri kompanıalardyń jeńildetilgen salyq rejımin paıdalanýǵa tosqaýyl qoıady. Buǵan deıin taldaý kórsetkendeı, trıllıondap aınalym jasaıtyn iri kásiporyndar jeńildetilgen rejım arqyly salyqtan jaltarǵan.
Endi ereje aıqyn:
-shaǵyn bıznes (dúkender, dárihanalar, kafeler, tasymal jáne qyzmet kórsetý) – jeńildetilgen rejımde qalady;
-iri bıznes (qurylys, telekomýnıkasıa, jer qoınaýyn paıdalaný, kóterme saýda) – jalpyǵa birdeı rejımge ótedi.
Bul sheshim básekeni ádil etedi: shaǵyn kásipkerler tynysh ári ashyq jumys isteıdi, al iri kompanıalar tolyqqandy salyq júıesimen jumys jasaıdy.
Áleýmettik basymdyqtar
Memleket áleýmettik mańyzy bar salalarǵa erekshe kóńil bóldi. Jeńildetilgen rejımde qalady:
-bilim berý men medısına (balabaqshalar, stomatologıa, úıirmeler men sport seksıalary);
-aýyl sharýashylyǵy (jeńildetilgen jer salyǵy, QQS boıynsha jeńildikter, saýda jelilerine tikeleı jetkizý múmkindigi);
-kreatıvti ındýstrıa (kıno, mýzyka, foto, dızaın).
Al óńdeýshi ónerkásip úshin arnaıy qoldaý qarastyrylǵan: QQS boıynsha jeńildikter, ınvestısıalyq shegerimder, «Báıterek» pen «Damý» arqyly jeńildetilgen qarjylandyrý.
Iaǵnı, shaǵyn bıznes burynǵydaı jeńildetilgen rejımde jumys isteıdi, iri bıznes tolyq salyq tóleıdi, al halyq taýarlar men qyzmetterdi qoljetimdi baǵamen ala beredi.