Jaqynda ol sot úkimimen 10 jylǵa bas bostandyǵynan aıyrylǵan bolatyn
Almaty oblysy polısıa departamentiniń burynǵy basshysy Serik Kúdebaev sot úkimine apelásıalyq shaǵym túsirdi, dep habarlaıdy Almaty-akshamy.kz.
Jetisý oblystyq sotynyń baspasóz qyzmeti Almaty oblysy polısıa departamentiniń sottalǵan burynǵy basshysy Serik Kúdebaev apelásıalyq shaǵym túsirgenin habarlady.
«Serik Kúdebaevtyń ústinen qozǵalǵan qylmystyq is boıynsha apelásıalyq shaǵym 29 maýsym saǵat 15:00-de Jetisý oblystyq sotynda qaralady dep belgilendi», – delingen habarlamada.
Eske salaıyq, Almaty oblystyq polısıa departamentiniń burynǵy basshysy Serik Kúdebaev bıligin asyra paıdalandy dep aıyptalǵan. Tergeý málimetteri boıynsha, ol 2022 jylǵy qańtardaǵy tártipsizdikter kezinde Almaty oblysynyń komendanty bola turyp, Polısıa departamentiniń ǵımaratynan shyǵyp ketken. Búlikshiler sol jerden qarý-jaraq urlap ketken.