Almaty oblysy polısıa departamentiniń burynǵy basshysy Serik Kúdebaev aýrýhanaǵa tústi, dep habarlaıdy Almaty-akshamy.kz Tengrinews.kz-ke silteme jasap.
General-maıor Kúdebaevqa qatysty úkim 10 naýryzda shyǵýy kerek edi. Alaıda burynǵy polısıa basshysyna qatysty sot otyrysy belgisiz merzimge shegerildi.
«Taldyqorǵan qalalyq sotynyń baspasóz qyzmetiniń málimetinshe, sottalýshynyń aýrýhanaǵa jatqyzylýyna baılanysty sot otyrysy kelesi aptaǵa shegerildi», - dedi Jetisý oblystyq sotynyń resmı ókili Nursultan Orynbasarov. Kúdebaevtyń qandaı dıagnozben aýrýhanaǵa túskeni aıtylmaıdy.
Serik Kúdebaevqa «bılikti nemese laýazymdy asyra paıdalandy» degen aıyp taǵylyp otyr. Qylmystyq kodekstiń 362-baby boıynsha oǵan ortasha qaýipsizdik kolonıasynda toǵyz jylǵa bas bostandyǵynan aıyrý jazasy taǵaıyndalýy múmkin.