Astanada Prezıdent Toqaevtyń jetekshiligimen Qazaqstan halqy Assambleıasynyń sesıasy ótti.
Qazaqstanda ultaralyq qaqtyǵystar joq. Bul týraly QHA-nyń HHHİ sesıasynda sóılegen sózinde onyń múshesi Sergeı Ogaı ultaralyq kelisimdi nyǵaıtý máselelerine toqtalyp ótti, dep habarlaıdy Almaty-akshamy.kz.
«Ulttyq tegine qaramastan, biz bárimiz - Uly dalanyń perzentterimiz, Qazaqstan azamattarymyz. Halyqtyń áleýmettik osal toptaryn qoldaý máselesine kelsek, 2021 jyldan beri 150 myńnan astam azamatqa 1,3 mıllıard teńgeden astam kómek kórsetildi», - dedi QHA múshesi.
Bul jaıynda Memleket basshysy da óz sózinde atap ótken edi. Prezıdent Toqaev: «Birlik, tatýlyq jáne beıbitshilik – bizdiń myzǵymas qundylyqtarymyz», - degen bolatyn.
«Elimizde turatyn barlyq etnos ókilderiniń jalpyazamattyq qundylyqtardy qurmetteýi jáne ózderin Qazaqstanmen baılanystyrýy asa mańyzdy. Bul – Táýelsizdik jyldaryndaǵy bizdiń úlken jetistigimiz. Ony jan-jaqty nyǵaıtýǵa mindettimiz. Partıalarǵa daýys bergende, jańa saıası jaǵdaıda beıbitshilik pen kelisimdi jáne halyqtyń birligin kim asa mańyzdy dep sanasa, soǵan basymdyq beriledi», – dedi Memleket basshysy.
Spıkerdiń aıtýynsha, QHA Kásipkerler qaýymdastyǵy Memleket basshysynyń tarıhı shyqqan elderdiń seriktesterimen birlesken kásiporyndardy damytý týraly usynysyn qoldady. Osylaısha, koreıler qaýymdastyǵy jańa tehnologıalardy tartý maqsatynda Ońtústik Koreıamen jumys isteıtin «Investıks» kompanıasyn qurdy.
«Assambleıada etnoortalyqtarǵa áleýmettik mańyzy bar halyqtyq jobalardy damytýǵa kómektesetin jobalyq keńse qurýdy usynamyn», - dep túıindedi sózin Sergeı Ogaı.
Esterińizge sala ketsek, 29 sáýir kúni Qazaqstan astanasynda Prezıdent Toqaevtyń jetekshiligimen Qazaqstan halqy Assambleıasynyń sesıasy ótken bolatyn.