Jetinshi synyp oqýshysy ákesiniń tapanshasyn qoldanǵan
Serbıa astanasy Belgradta jetinshi synyp oqýshysy ákesiniń tapanshasynan oqýshylarǵa oq jaýdyrdy. Sońǵy málimetter boıynsha, 9 adam qaza tapty, kúdikti ustaldy, dep habarlaıdy Almaty-akshamy.kz Zakon.kz-ke silteme jasap.
Belgradta jasóspirim oqýshylar men mektep kúzetshilerine oq jaýdyrdy. Oqıǵa tańǵy saǵat 8-der shamasynda bolǵan.
Polısıa barlyq patrúldi jiberip, oqıǵa ornyna jetken tártip saqshylary birden kámeletke tolmaǵan kúdiktini ustady.
Sońǵy málimetter boıynsha, atys saldarynan kem degende 9 adam qaza tapty.
Polısıanyń málimetinshe, jetinshi synyp oqýshysy ákesiniń tapanshasyn qoldanǵan.
Sondaı-aq polıseıler onyń sómkesinen órt sóndirý quraldaryn tapty. Barlyq adam evakýasıalanyp, mektep janynan kezekshilik uıymdastyryldy.
"Blic" basylymynyń jazýynsha, oqýshy "tarıhtan birlik alyp qalyp, esinen adasqan". Oqýshylardyń biri kúdikti tek beske oqyǵanyn, mektepte ony "oqymysty" dep ataıtynyn aıtty.