Ótken jyly senim telefony arqyly 27 myńnan astam áıel kómekke júgindi.
Bul týraly İİM-niń aptalyq brıfıńinde aıtyldy, dep habarlaıdy Almaty-akshamy.kz Polisia.kz-ke silteme jasap.
1999 jyly aqpanda İİO júıesinde áıelderdi zorlyq-zombylyqtan qorǵaý bólimshesi quryldy. Onyń maqsaty – áıelderdi zańsyz qol suǵýshylyqtan qorǵaý, zorlyq-zombylyq faktileriniń aldyn alý jáne jolyn kesý máselelerinde quqyqtyq kómek kórsetý.
Áıelderdi zorlyq-zombylyqtan qorǵaý jónindegi ınspektorlar ár qalalyq jáne aýdandyq polısıa bólimshelerinde bar. Bul áıelderge qatysty zorlyq-zombylyq faktilerine jedel den qoıý múmkindigin arttyrady. Bul qyzmetkerler turmystyq zorlyq-zombylyq jasaǵan nemese ony jasaý qaýpi bar quqyq buzýshylarǵa qatysty óz betinshe qorǵanys uıǵarymdaryn shyǵara alady. Sonymen qatar, olar jergilikti atqarýshy organdarmen birlesip jábirlenýshilerge quqyqtyq, psıhologıalyq, áleýmettik kómek kórsetedi.
Ótken jyly áıelderdi zorlyq-zombylyqtan qorǵaý bólimsheleriniń ınspektorlary senim telefondary arqyly 27 myńnan astam áıelge keńes berdi, ómirlik qıyn jaǵdaıǵa tap bolǵan 9 myńnan astam zardap shekken adam daǵdarys ortalyqtaryna júgindi. Daǵdarys ortalyqtarynyń senim telefondaryna 5 myńǵa jýyq qońyraý tústi. Áıelderdi zorlyq-zombylyqtan qorǵaý bólimshesiniń ınspektorlary baspanaǵa 3 myńnan astam adamdy ornalastyrdy. Sondaı-aq áıelderge 9 myńnan astam keńes berildi, onyń 5,5 myńnan astamy polısıaǵa júgindi. Nátıjesinde 22 adam qylmystyq jaýapkershilikke tartyldy, 4731 adam ákimshilik jaýapkershilikke tartyldy.