Bas áskerı prokýratýra ókili 2020 jyldan bastap elimizde 270 áskerı qyzmetshi qaıtys bolǵanyn jetkizdi.
Bul týraly Bas áskerı prokýrordyń birinshi orynbasary Maqsat Qazıev málim etti, dep habarlaıdy Almaty-akshamy.kz Ulysmedia.kz-ke silteme jasap.
«2020 jyly – 78, 2021 jyly – 96, 2022 jyly – 85, 2023 jyly – 11 áskerı qyzmetshi qaıtys boldy. Ólim jaǵdaılarynyń eń kóp taraǵan sebepterine toqtalsaq, aýyryp qaıtys bolý – 36%, kólik apatynyń saldary – 24%, sýısıd – 20%. Alaıda óz-ózine qol salý jaǵdaıy bárimizdi alańdatyp otyr. Sýısıd profılaktıkasyn taldaý nátıjesi áskerimizdiń qoǵamnyń bir bóligi retinde jaǵymsyz jaǵdaıǵa táýekeli baryn kórsetti», - dedi M. Qazıev.
Onyń aıtýynsha, halyq arasyndaǵy sýısıd deńgeıi boıynsha Qazaqstan álem elderi arasynda 20-orynda, al jasóspirimder arasynda tipti úshtikke enedi.
«Quqyqtyq statısıka komıtetiniń málimetinshe, 2018-2022 jyldary elde 17 631 sýısıd jáne 21 332 ózine qol salýǵa oqtalý jaǵdaıy tirkelgen, ıaǵnı 10 000 azamatqa shaqqanda 9 sýısıd jáne 11 óz-ózine qol salýǵa talpyný áreketi tirkelip otyr. Olardyń arasynda 86 sýısıd jáne ózine qol salýǵa oqtalýdyń 20 deregi áskerde bolǵan. Iaǵnı 10 myń áskerı qyzmetshige shaqqanda 6 sýısıd jáne 1 óz-ózine qol salýǵa oqtalý áreketinen keledi. Demek, qoǵamdaǵy óz-ózine qol salý kóbinese áskerde bolady degen pikir resmı málimettermen rastalmaı otyr», - dedi Bas áskerı prokýrordyń birinshi orynbasary.