Almaty qalasynda Qarjy, Ulttyq ekonomıka mınıstrlikteri, máslıhattyń beıindi komısıasy jáne Almaty qalasy boıynsha Memlekettik kirister departamentiniń ókilderiniń, sondaı-aq «Atameken» UKP óńirlik ókilderiniń qatysýymen QR Parlamenti Senatynyń Qarjy jáne búdjet komıteti depýtattarynyń kóshpeli otyrysy ótti.
İs-shara Qazaqstan Respýblıkasy Prezıdentiniń 2023 jylǵy 1 qyrkúıektegi «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda salyq salý máseleleri boıynsha bergen tapsyrmalarynyń iske asyrylý barysyn talqylaý maqsatynda uıymdastyryldy.
Otyrysty QR Parlamenti Senatynyń Qarjy jáne búdjet komıtetiniń tóraǵasy S.A. Makejanov ashty.
Ulttyq ekonomıka mınıstrliginiń ókili E. Saǵnaev salyq saıasaty bóliginde jańa Salyq kodeksiniń jobasyndaǵy novelalar týraly sóz sóıledi.
Memleket basshysynyń tapsyrmalaryn iske asyrýdyń negizgi tásilderi týraly Qarjy vıse-mınıstri E.Birjanov egjeı-tegjeıli túsindirdi. Otyrysqa qatysýshylardyń talqylanýyna salyqtyq ákimshilendirý máseleleri shyǵaryldy.
Sonymen qatar, Erjan Birjanov salyqtyq ákimshilendirý kezinde servıstik modelge kóshý, salyqtyq baqylaýdy tolyq sıfrlandyrý, salyqtyq eseptilik nysandaryn qysqartý jáne QQS qaıtarý rásimin ońaılatý bıznes-ortaǵa oń áserin tıgizetinin jáne kásipkerlerge salyq mindettemelerin oryndaý úshin yńǵaıly nusqalardy qoldanýǵa múmkindik beretinin atap ótti.
Mundaı ózgerister jańa IT-sheshimderdi qoldaný, mobıldi qosymshalardy paıdalaný, sondaı-aq jasandy ıntellekt negizinde engiziletin bolady. Sondaı-aq, otyrysta «Atameken» UKP, Qaýymdastyqtar jáne óndiristik sektor kásipkerleriniń ókilderi óz usynystaryn bildirdi.
Kezdesý qorytyndysy boıynsha qatysýshylar osyndaı is-sharalardyń mańyzdylyǵy men paıdalylyǵyn atap ótip, salyq zańnamasyn jetildirý boıynsha odan ári normashyǵarmashylyq jumystarǵa daıyn ekendikterin bildirdi.